معلم الأونلاين سواء معلم قرآن او لغة عربية اودراسات اسلامية او حتى مواد اكاديمية بيقضي معظم أو كل وقته أونلاين على جهاز كمبيوتر او موبايل .. علشان كده توفير بيئة عمل مناسبة وادوات تسهل عليه عمله هي جزء اساسي جدا من العمل ونجاح المعلم
دي قايمة احلام المعلم وادواته علشان اللي يحب يجيب حاجة مفيدة لنفسه او هدية لغيره يعرف يختار
واوعدك هتكون مبسوط وانت بتقرأ ولو ما جبتش – ومهمة جدا آخر نصيحة
1- كرسي طبي يفضل شبك او جيمنج بمسند للقطنية
كرسي شبك (طبي) مريح للظهر ولفترات الجلوس الطويلة والمكتبية
يمكن الحصول عليه من شركات الأثاث المكتبي وتتفاوت اسعاره والجيد منها يمكن أن يبدأ سعره من 3000 ج
2– مكتب للشغل ويكون كبير ومريح
حسب المساحة المتوفرة يمكن توفير مكتب خشبي عادي او حرف L او بوحدة ادراج
3– كيبورد وماوس وايرلس
من أفضل الأنواع Microsoft او Logitech
4– سماعات مريحة للاذن وممكن مايك بويا
المايك ماركة بويا من افضل الماركات اللي بتقدم
جودة صوت عالية جدا وفي انواع واسعار متختلفة
5- نوت بوك واقلام
توفر ادوات تساعدك على تدوين الملاحظات والتدوين هي جزء من ابداعك في عمل وانك تخرج افضل ما عندك
6- حامل موبايل بشاحن
متاح نوع بوصلة في الحامل نفسه وانواع اخرى بتدعم الشحن اللاسلكي
7- ايباد بقلم او جرافيك تابلت وافضلهم Wacom
بيستخدم لشرح الدروس والكتابة على السبورة الالكترونية بشكل احترافي وفعال جدا
8- مج شيك لو المشروبات مفضلة
9- فلاشة يو اس بي او MiFi
لظروف انقطاع الانترنت
10- شاحن UPS للراوتر علشان قطع الكهرباء
لظروف انقطاع الكهرباء عن الراوتر – الجهاز يساعد على عمل الرواتر لبعض الساعات لحين استرجاع الكهرباء
11- باور بانك
لشحن الموبايل في حالة انقطاع الكهرباء او عدم توفر شاحن
وممكن سلك شاحن تليفون ثلاثي طويل
12- رينج لايت لو بتشغل كاميرا
تعطي اضاءة واضحة للوجه في حالة تشغيل الكاميرا في الدروس
13- قاعدة كرسي جل
راحة اكثر للجلوس لفترات طويلة
14- ترابيزة كمبيوتر محمولة للشغل من غير المكتب
15- شاشة كمبيوتر كبيرة
انصح بشراءها متسعملة اوفر كتير من الجديد
16- جهاز Dock Station
لو الشغل على لاب توب – ده جهاز بيجمع كل وصلات اللاب توب بمخرج واحد
17- مسند رجل
متوفر من ايكيا
كل الادوات ممكن تتعوض إلا الصحة هي رأس مالك
فما تبخلش ابدا على نفسك وعملك
اللي تقدر تجيبه من الادوات دي هي استثمار ناجح لعملك ونفسك
